|
السندريلا
نسبة تقيم الاعضاء لمشاركتى : 35
تاريخ التسجيل : 25/07/2010
 |  موضوع: لبنات المسلمين  الخميس أغسطس 12, 2010 2:20 am | |
| النهاردة عاوز اتكلم معاكم فى نقطة اكيد كلنـا ولاد وبنات بنشوفها
لمـا بنخرج فى اى مكان فى مصر
عاوز اتكلم عن اللبس المنتشر اوى والشـائع
بين البنـات وخصوصا فى الجامعات.
كلنـا اكيد بنشوف مناظر
اقل ما
يقال عنها انها بشعة اووووى اننا نشوفها فى بلد المفترض انها بلد اغلبية
الناس ال فيها مسلمين.
الا هوة فين الاسـلام فى بلدنـا دلوقتى ....!
الحمدلله
معظمنا الا من رحم ربى طالما بيقضى فروضة فى وقتة يبقى هوة كدة عامل ال
علية
مية مية ومحدش لية عندة حاجة.
دة مفهوم الدين عندنا صلاة وصوم
وشوية قراية قران فى رمضـان وان الواحد يخلى نيتة صافية
ويبقى كدة خلاص
بـقا ضامن الجنة مية مية ان شاء الله
او بيبقى معتقد انة عامل ال علية
وال يـاهلة انة يبقى قريب من ربنــا
عشـان يستشعر لذة القرب وطاعة
وعبادة ربنـا.
فى اية دايمـا بقف عندها كتير اوووووى
" قل هل
ننبؤكم بالاخسرين اعمالا. الذين ضل سعيهم في الحياة الدنيا وهم يحسبون انهم
يحسنون صنعا "
يـارب هوة انا من الناس دى
هوة انا من النـاس ال
فاكر انى طالما بصلى واصوم ابقى كدة عملت ال علية ...!
هوة كدة يبقى انا
من الناس دى ال خسرت كل حاجة ....!
اكيد كل واحد من جواة عارف هوة
بيعمل صح ولا غلط
اكيد عارف ومتـأكد الطريق ال هوة فية دلوقتى حيوصلة
لاية فى الاخر
انا مش بحاسب حد
ابدا ابدا
لائنى مملكش كدة غير
لنفسى بس
مملكش غير انى اقف كل يوم مع نفسى واحاسبها
واشوف عملت اية
غلط واستغفر ربنـا عنة.
واحاول بنية صادقة انى مرجعش للحاجة دى تانى
ابدا.
دة ال بعملة وال مفروض كلنـا نعملة.
هزنى اوى النهاردة
موقف اتمنيت ان كل واحد فى سنى يشوفة ويحس ال حسيت بية
السـاعة 8 الصبح
اصحى على صوت اخوية الاصغر منى وهوة منهار بيقولى البس عشان نروح المستشفى
دلوقتى.
ولما وصلنـا الاقى صاحبة توفى فى حادثة بعربيتة من ساعة.
واهلة
واصحابة والناس عمالة تعيط علية وعلى شبابة ال ضاع فى ثانية
محستش
بحاجة بجد وانا واقف معاهم
حسيت انى فى مكان تانى وبفكر فى حاجة عمرى ما
فكرت فيها قبل كدة.
اهوة ولد معداش لسة 20 سنة
ومات
مات فى
لحظة
عمرة انتهى فى ثانية
هوة كان جاهز ان يقابل ربنـا فى اليوم دة
واللحظة دى
يـا ترى لما خرج من بيتهم الصبح كان عارف انة مش حيرجعة تانى
ابدا
كان عارف ان دة اخر يوم حيشوف فية امة وابوة واخواتة
كان عارف
ان دى كانت اخر ليلة لية وسط اهلة واصحابة.
كان جاهز يـارب انة يقابلك
.....!
ولا حيبقى من الناس ال حتقول
" حتى إذا جاء أحدهم الموت قال
رب ارجعون لعلي أعمل صالحا فيما تركت "
سـألت نفسى السؤال دة كتير
اووووووى
هوة انا جاهز دلوقتى عشـان اقابلك يـارب
انا جاهز لو الموت
جانى دلوقتى
حبقى خايف ولا حبقى مطمن ان ربنـا معاية
لانى كنت فاكرة
فى حياتى وعمرى ما نسيتة ابدا.
انتا جاهز ..!
انتى جاهزة ...!
البنت
المسلمة ال خارجة من بيتهم وهية كاشفة شعرها
والبنت ال خارجة من بيتها
وهية محجبة على الموضة وميك اب على سنجة عشرة
يـا ترى البنت دة جاهزة
.....!
الا هى البنت دى مبتخفش على نفسهـا
ولا البنت دى ما يهماش
ربنـا شايفها ازى ولا لما تقابلة حتقلة اية ...!
ولا حتى ما يهمهاش
الناس والشباب حيبوصلها ازاى ...!
بجد انا بشوفها رخيصة اووووووى
وغيرى
بيشوفها ارخص وارخص
البنت زى الجوهرة
لما حد بيقى عندة مجوهرات
تلاقية دايمـا بيحافظ عليها ويهتم بيها ويغطيها عشـان تفضل دايما
تلمع
وتشع نور على كل ال حواليهـا وتحتفظ بجمالها للابد
اما البنت دى
تلاقيهـا كل يوم نورها بيقل
دة يشوفها النهاردة ودة ياخد منها بعدة ودة
.. ودة .. ودة
لحد ما فى الاخر تدبل وتنطفى ما يبقـاش فيهـا البرائة ولا
جمال الفطرة ال ربنا اوجدها فيهـا.
ترضى كدة لنفسك ......!
ولمـا
تسـأل البنت دى عاملة كدة لية
يقولك تلاقيهـا بنت مسيحية مش مسلمة
ممكن
يكون كلامة صح و ممكن اوى بردة يبقى غلط
حتى البنت المسيحية
دايمـا
لمـا بروح عند صحابى المسيحين وادخل بيوتهم
او لمـا دخلت الكنيسة
دايمـا بلاقى عندهم صور للعذراء مريم
بغض النظر عن ان الصورة صحيحة او
لاء
حد دقق فى الصورة كويس قبل كدة
حتلاقى صورة بنت ممكن فى
العشرينات او التلاتينات
لبسها حشمة اوووووى ومغطية شعرها.
المفترض
انها تكون السيدة مريم
ال هية قدوة لكل البنات المسيحيات.
ال مفترض
بردة انهم يقتدوا بيها وتبقى مثـال ليهم فى عفتها وطهارتهـا.
صراحة
مش عارف لية البنات المسيحيات كدة
كشف شعر وقط او بنص كوم و.. و ...
مش
خايفة على نفسهـا
مش عارفة انها بكدة بتثير ال قدامها
ماهوة عمرة ما
حيفكر دى بنت مسلمة ولا مسيحية
كل ال حيفكر فيه ازاى يشبع رغبتة منها.
رغم
ان لية بنات مسيحيات فى الجامعة واتكلمت معاهم فى النقطة دى بالذات اكتر
من مرة
الا انى عمرى ما اخدت رد منهم على الحتة دى بالذات.
انا
مش بهاجم حد ابدا والله
انا خايف عليها زى ما بخاف على اختى المسلمة
بالظبط
لان ال حيبصلها مش حيفكر ولو لثانية هية ديانتها اية قبل ما
يعاكسها او يتحرش بيها.
انا كل كلامى عن البنات فى فى الجامعات الحكومية
متكلمتش
ابدا عن الجامعات الخاصة ولا الجامعات الاجنبية.
ال اقل حاجة تتقال
عشـان توصف ال فيها ......
ولا بلاش عشـان الكلمة حتزعل ناس كتير اوى
منى
نتقى الله
نعمل حسـاب يوم حنقف فية بين ايد ربنـا
وحيسـالنـا
عن كل حاجة عملناها فى حياتنا
حيحاسب البنت على كل نظرة حد بصهالها
بسبب لبسها او مشيتها او كلامها  الموضوع : لبنات المسلمين المصدر : منتديات اضواء الاسلام الكاتب: السندريلا |
|
  | |
مهـ مع القرآن ـاجر
تقيم نشاط المنتدى : 100136746
نسبة تقيم الاعضاء لمشاركتى : 84
تاريخ التسجيل : 24/10/2009
| | موضوع: رد: لبنات المسلمين الخميس أغسطس 12, 2010 10:36 am | |
| معلومات قيمه
جزاك الله كل خير
وجعله فى حسانتك الموضوع : لبنات المسلمين المصدر : منتديات اضواء الاسلام الكاتب: مهـ مع القرآن ـاجر توقيع العضو/ه :مهـ مع القرآن ـاجر | |
|
|
| | |
السندريلا
نسبة تقيم الاعضاء لمشاركتى : 35
تاريخ التسجيل : 25/07/2010
| |
| | |
مدير أوقاف الحوامدية
نسبة تقيم الاعضاء لمشاركتى : 24
تاريخ التسجيل : 26/10/2009
| | موضوع: رد: لبنات المسلمين الجمعة أغسطس 13, 2010 2:25 pm | |
| جزاكِ الله كل خير
والله يعنا واياكم على طاعته الموضوع : لبنات المسلمين المصدر : منتديات اضواء الاسلام الكاتب: مدير أوقاف الحوامدية توقيع العضو/ه :مدير أوقاف الحوامدية | |
|
|
| | |
السندريلا
نسبة تقيم الاعضاء لمشاركتى : 35
تاريخ التسجيل : 25/07/2010
| |
| | |
نهلة
نسبة تقيم الاعضاء لمشاركتى : 38
تاريخ التسجيل : 24/12/2009
| |
| | |
على سعيد
تقيم نشاط المنتدى : 10137
نسبة تقيم الاعضاء لمشاركتى : 47
تاريخ التسجيل : 09/04/2010
| | موضوع: رد: لبنات المسلمين الثلاثاء سبتمبر 14, 2010 11:02 pm | |
| موضوع رائع وجميل للغايه
انا اشكرا على الموضوح الحلو الموضوع : لبنات المسلمين المصدر : منتديات اضواء الاسلام الكاتب: على سعيد |
|
| | |
Cuboمراقب سابق
نسبة تقيم الاعضاء لمشاركتى : 30
تاريخ التسجيل : 24/09/2010
| |
| | |
|
